தமிழ்மணம் சர்வதேசத் தமிழ் ஆய்விதழ்: முதலாம் ஆண்டுச் சிறப்பு வெளியீடு – அழைப்பு & அறிவிப்பு

அன்புடையீர் வணக்கம்!

தமிழ்மணம் சர்வதேசத் தமிழ் ஆய்விதழ், தனது முதலாம் ஆண்டு நிறைவை முன்னிட்டு, ஒரு சிறப்பிதழைப் பிரசுரிக்கவுள்ளது என்பதை மகிழ்ச்சியுடன் அறிவிக்கிறோம்.

சிறப்பிதழின் கருப்பொருள்: ‘இந்தியச் சிந்தனை மரபில் செவ்வியல் இலக்கியங்கள்’

இச்சிறப்பான வெளியீட்டில் பங்கெடுத்துச் சிறப்பிக்குமாறு பேராசிரியர்கள், ஆய்வறிஞர்கள், தமிழ் ஆர்வலர்கள் மற்றும் ஆய்வு மாணவர்கள் அனைவரையும் அன்புடன் அழைக்கிறோம். ஆய்வு நெறிகளுக்குட்பட்ட, புதிய சிந்தனைகளை உள்ளடக்கிய கட்டுரைகள் பெரிதும் வரவேற்கப்படுகின்றன.

சிறப்பிதழின் நோக்கங்கள்

பழந்தமிழ்ச் சமூகம் அரசியல், அறிவியல், அறவியல், கலைகள், தொழில்நுட்பம், மேலாண்மை, இயற்கை, எதிர்காலவியல் மற்றும் தொலைநோக்குச் சிந்தனைகள் எனப் பல்துறை அறிவுத் தளங்களில் சிறந்து விளங்கிய ஓர் அறிவுத் தேடல் சமூகம் ஆகும். இத்தகைய அறிவுச் செழுமையும் சமூக விழுமியங்களும் தமிழ்மொழியின் இலக்கணப் பற்றுறுதியாலும், இலக்கியச் செழுமையினாலும் பாதுகாக்கப்பட்டுக் காலத்தால் அழியாத செவ்வியல் இலக்கியங்களில் பதிவாகியுள்ளன.

தொல்காப்பியம், எட்டுத்தொகை, பத்துப்பாட்டு, பதினெண்கீழ்க்கணக்கு, சிலப்பதிகாரம், மணிமேகலை, முத்தொள்ளாயிரம், இறையனார் களவியல் உரை போன்ற சங்க மற்றும் செவ்வியல் கால இலக்கியங்களில் வரலாற்றுப் பின்னணியுடன் ஆழமாகப் பதிந்துள்ள இந்தியச் சிந்தனை மரபுகளைப் புதிய பார்வையிலும், விரிவான தளத்திலும் வெளிக்கொணர்வதே இச்சிறப்பிதழின் முதன்மையான நோக்கமாகும். இதன்மூலம், பழந்தமிழர்களின் அறிவுச் செழுமையையும், இந்தியச் சிந்தனை மரபில் அவர்களின் தனித்துவமான பங்களிப்பையும் ஆய்வுக்குட்படுத்துவதே சிறப்பிதழின் குறிக்கோளாகும்.

பரிந்துரைக்கப்பட்ட ஆய்வுத் தலைப்புகள்

செவ்வியல் இலக்கியங்களோடு தொடர்புடைய பின்வரும் தலைப்புகளின் கீழ் ஆய்வுக் கட்டுரைகளைச் சமர்ப்பிக்கலாம்:

• பழந்தமிழரின் தொலைநோக்குப் பார்வை
• சங்க இலக்கியத்தில் மேலாண்மை
• சங்க இலக்கியத்தில் தொழில்நுட்பவியல்
• பண்டைய மருத்துவ முறைகள்
• தொல்காப்பியரின் உயிரியல் அறிவு
• தொல்காப்பியத்தில் உளவியல்
• இரட்டைக்காப்பியங்களில் சமயநெறிகள்
• சிலம்பில் இயற்கை வளமும் உயிரின வளமும்
• சங்க தமிழரின் இசையறிவு
• சங்க கால அரசு உருவாக்கம்
• தமிழரின் அறிவியல் அறிவு
• பண்பாட்டு நெறிகள்
• சமூக விழுமியங்கள்
• கலைகள் – தகவல் ஊடகம்
• சமுதாய ஆவணங்கள்
• சங்ககால போர்முறைகள்
• புறநானூற்றில் தத்துவங்கள்
• உலகப் பொதுமறையில் ஒழுகலாறுகள்
• அக இலக்கியங்களில் உளவியல் அணுகுமுறைகள்
• முத்தொள்ளாயிரத்தில் ஆட்சிமுறை
• முத்தொள்ளாயிரத்தில் பொருளாதாரம்
• தமிழரின் வானியல் அறிவு
• இறையனார் களவியல் உரையின் சொல்வளம்
• பதினெண் கீழ்க்கணக்கில் மருந்து
• செவ்வியல் இலக்கியங்களில் செயற்கை நுண்ணறிவு

ஆய்வுக் கட்டுரைகளைச் சமர்ப்பிப்பதற்கான வழிகாட்டுதல்கள்

கட்டுரை நீளம்: ஆய்வுக் கட்டுரை 7 பக்கங்களுக்கு மிகாமல் இருக்க வேண்டும்.

தட்டச்சு விதிமுறைகள்:

• ஒருங்குறி (Unicode) எழுத்துருவைப் பயன்படுத்த வேண்டும்.
• எழுத்துரு அளவு 12 புள்ளிகளாக இருக்க வேண்டும்.
• வரி இடைவெளி 1.5 அளவாக இருக்க வேண்டும்.
• கட்டுரையைச் சொற்கோப்பு வடிவத்தில் (Word Format – .doc அல்லது .docx) அனுப்ப வேண்டும்.

பங்கேற்போர்: பேராசிரியர்கள், ஆய்வாளர்கள், தமிழ் ஆர்வலர்கள், மாணவர்கள் என அனைவரும் கட்டுரைகளைச் சமர்ப்பிக்கலாம்.

கட்டுரையின் பொருண்மை: கட்டுரை கருத்தரங்கின் முக்கியப் பொருண்மைக்கு ஏற்ற வகையில் அமைய வேண்டும்.

கட்டுரையாளர் விவரங்கள்: ஆய்வுக் கட்டுரையில் கட்டுரையாளரின் பெயர், கல்விசார் முகவரி, அலைபேசி எண், மின்னஞ்சல் முகவரி ஆகியவை பிழையின்றிச் சரியாகக் குறிப்பிடப்பட வேண்டும்.

கட்டுரையின் அமைப்பு: ஆய்வுக் கட்டுரையில் ஆய்வுச்சுருக்கம், முன்னுரை, உட்தலைப்புகள், சான்றெண் விளக்கம் (அடிக்குறிப்புகள்), கலைச்சொற்கள் (தேவையெனில்), துணைநூற்பட்டியல் ஆகியவை கட்டாயம் இடம்பெற வேண்டும்.

தன்மை: ஆய்வுக் கட்டுரை ஆய்வாளரின் சுய முயற்சியால் உருவானதாக இருக்க வேண்டும்.

துணைநூற்பட்டியல்: கட்டுரையை எழுதப் பயன்படுத்தப்பட்ட நூல்கள், ஆய்விதழ்கள் மற்றும் பிற தரவுகள் அனைத்தும் துணைநூற்பட்டியலில் சரியான முறையில் அகர வரிசையில் பட்டியலிடப்பட வேண்டும்.

திருத்தும் உரிமை: கட்டுரைகளைத் திருத்துவதற்கும், குறிப்பிட்ட சிலவற்றை நீக்குவதற்கும் ஒருங்கிணைப்புக் குழுவிற்கு முழு உரிமை உண்டு.

வெளியீடு: ஆய்வுக் கட்டுரைகள் மதிப்பீடு செய்யப்பட்டு, ISSN எண்ணுடன் கூடிய ஆய்விதழில் வெளியிடப்படும்.

---

முக்கியத் தேதிகள் மற்றும் விவரங்கள்:

• கட்டுரை சமர்ப்பிக்க இறுதி நாள்: 15.07.2025
• கட்டுரை அனுப்ப வேண்டிய மின்னஞ்சல் முகவரி: ngmcollegelibrary@gmail.com

---

கட்டண விவரம் மற்றும் சமர்ப்பிப்பு:

பதிவுக் கட்டண விவரம்: ரூ. 500

• இந்தக் கட்டணம் ஒவ்வொரு கட்டுரைக்கும் தனித்தனி DOI எண் பெறுவதையும், சான்றிதழ் வழங்குவதையும் உள்ளடக்கியது.

முக்கிய இணைப்புகள்:

• பதிவு செய்வதற்கான இணைப்பு: (இணைப்பைச் சேர்க்கவும்)

கட்டணம் செலுத்த வேண்டிய விவரங்கள்:

• வங்கியின் பெயர் (Bank Name): Indian Overseas Bank
• பயனாளி பெயர் (Beneficiary Name): S VEERAKANNAN
• கிளை (Branch): NGM College
• கணக்கு எண் (Account Number): 170101000000248
• IFSC Code: IOBA0001701

அல்லது GPAY வழியாக 9788175456 என்ற எண்ணுக்கு அனுப்பவும்.