தொல் தமிழ்க் குறவர் பழங்குடியினரின் உன்னதமான பண்பாட்டு, ஆன்மிக வரலாறும் அவர்க்கு இழைக்கப் பட்ட பிற்காலத்திய அநீதிகளும்

சுருக்கம்

குறவர் இனம் குறித்து முழுமையாக எவரும் எழுதியதாகத் தெரியவில்லை. குறவர் யார் ? யார் என்பதற்கு முன், யார் இல்லை என்பதைத் தான் முதலில் தெரிந்து கொள்ள வேண்டும். ஆரிய வாகிரி போலி மொழி பேசிக் கொண்டு, ஊசிமணி, பாசிமணி விற்கும் நரிக்குறவர் என அழைத்துக் கொள்ளும் குருவிக்காரர்கள் வேறு, தொல் தமிழ்க் குறவர் வேறு.

ஒரு காலத்தில் இலங்கை தாண்டி நீண்டிருந்த தென்னிந்திய மலைகளில் ( இந்தியா, இலங்கை இரண்டும் ஒரே நிலமாக இருந்த காலகட்டத்தில் ) மனித இனம் தோன்றிப் பின் சமவெளியில் பரவிய போது குன்றுகளிலேயே தங்கள் வாழ்வைத் தொடர்ந்தவர்கள் பிற்காலத்தில், ‘ குறவர்’ என அழைக்கப் பட்டனர். 'குன்றவர்’ ( குன்றில் வாழ்பவர் ) என்பதன் திரிபு. அவர்கள் வாழ்ந்த மலைப் பகுதி குறிஞ்சி நிலம் எனப் பட்டது.

ஆங்கிலேயர் உட்பட, குறவர் குறித்து எழுதியோர் பெரும்பாலும் இவர்களது மலை வாழ்வை அறிந்திருக்க வில்லை. இவர்களது குடிப் பெயர் குறவர் என்ற போதிலும், தமிழ் இலக்கியங்களிலும், தென்னிந்தியா முழுமையிலும் இவர்களுக்குப் பல அழைப்புப் பெயர்கள் உண்டு. இவர்களது மிகச் சிறந்த மலைவாழ்க்கை குறித்தும், பிற்காலத்தில் அவர்களுக்கு நேர்ந்த இன்னல்கள் குறித்தும் சுருக்கமாகக் கூறுவதே இக்கட்டுரையின் நோக்கம்..

திறவுச்சொற்கள்

• குன்றவன்
• நரிக்குறவர் / குருவிக்காரர்கள்
• குறியெயினி
• சேயோன் / சீயான்
• மலைவாழி
• மலங்குறத்தி
• தினைப் புனம்
• காவடி
• இலங்கை வேடர்
• மேலூத்தன்
• சாத்துப்படி