தமிழ்மணம் – சர்வதேச தமிழ் ஆய்விதழ் (e-ISSN 3049-0723) அக்டோபர் 2024 முதல் மாதந்தோறும் வெளிவரும் திறந்த அணுகல் ஆய்விதழ். பொள்ளாச்சி நல்லமுத்து கவுண்டர் மகாலிங்கம் கல்லூரியின் (தன்னாட்சி) நூலகத் துறை இதை வெளியிடுகிறது. இவ்விதழில் உங்கள் ஆய்வுக் கட்டுரையை வெளியிடுவதற்கான படிநிலைகளை இப்பக்கம் விளக்குகிறது.
1. இதழின் எல்லைக்குள் உங்கள் ஆய்வு அடங்குகிறதா?
கலை, இலக்கியம், இலக்கணம், மெய்யியல், மொழியியல், நாட்டுப்புறவியல், தொல்லியல், சமயம், கணினித் தமிழ், ஊடகம், தமிழில் அறிவியல் எனப் பல துறைகளின் தமிழாய்வுகளை இதழ் வெளியிடுகிறது. காண்க: நோக்கமும் எல்லையும்.
2. கட்டுரையைத் தயாரியுங்கள்
- தலைப்பு, ஆய்வுச் சுருக்கம் (150–250 சொற்கள்), திறவுச் சொற்கள் (4–6) – தமிழிலும் ஆங்கிலத்திலும்.
- மேற்கோள்கள் உட்பட 8,000 சொற்கள் வரை; MLA 9ஆம் பதிப்பு மேற்கோள் முறை.
- தமிழ் ஒருங்குறி எழுத்துருவில்; .docx கோப்பாக.
- இரட்டை மறைவு மதிப்பாய்வுக்காக, ஆசிரியர் விவரங்கள் தனித் தலைப்புப் பக்கத்தில் மட்டும்.
எழுதும் முறை பற்றிய அறிவுரைகள்: எழுத்துப் பிரதி வழிகாட்டி. விதிமுறைகள்: கட்டுரையாளர் வழிகாட்டி.
3. இணையம் வழியாகச் சமர்ப்பியுங்கள்
கட்டுரை சமர்ப்பிக்கும் பக்கத்தில் உள்ள படிவத்தைப் பயன்படுத்துங்கள். சமர்ப்பிப்புக் கட்டணம் இல்லை. கட்டுரை எண்ணும், நிலையை அறிவதற்கான இணைப்பும் மின்னஞ்சலில் வரும்.
4. மதிப்பாய்வு
இதழாசிரியர்கள் கட்டுரையின் பொருத்தம், வடிவம், அசல்தன்மை ஆகியவற்றைச் சரிபார்த்த பின், குறைந்தது இரண்டு தனித்த வல்லுநர்கள் இரட்டை மறைவு முறையில் மதிப்பாய்வு செய்வர். பெரும்பாலான கட்டுரையாளர்களுக்கு 1–2 வாரங்களில் முதல் முடிவு கிடைக்கிறது. விவரம்: மதிப்பாய்வு முறை.
5. திருத்தமும் ஏற்பும்
மதிப்பாய்வாளர் கருத்துகளுக்கு ஒவ்வொன்றாகப் பதில் தந்து திருத்திய கட்டுரையை அனுப்புங்கள். ஏற்கப்பட்ட பின், கட்டுரைக் கண்காணிப்புப் பக்கத்திலிருந்து ₹1,000 வெளியீட்டுக் கட்டணத்தைச் செலுத்தலாம். கட்டண விலக்கு கோரலாம்: கட்டண விவரம்.
6. வெளியீடு
கட்டுரை தனிப் பக்கத்துடனும் Crossref DOI உடனும், CC BY 4.0 உரிமத்தில் திறந்த அணுகலில் வெளியாகும். பதிப்புரிமை உங்களிடமே இருக்கும். எல்லா ஆசிரியர்களும் வெளியீட்டுச் சான்றிதழைப் பெறுவர்.
ஆசிரியர் பட்டியல் பற்றி ஒரு குறிப்பு
கட்டுரையை ஆய்ந்து எழுதுவதில் உண்மையாகப் பங்களித்தவர்கள் மட்டுமே ஆசிரியர்களாக இடம்பெறலாம். கட்டணம் செலுத்தி ஏற்கெனவே எழுதப்பட்ட கட்டுரையில் “இடம்” பெறுவது ஆசிரியத்துவ முறைகேடு; இதழ் அதை ஏற்பதில்லை. காண்க: ஆசிரியத்துவக் கொள்கை.