கனவின் முற்றத்தில் தரையிறங்கும் தாரைகள் என்ற கவிதைத்தொகுப்பு உணர்த்தும்பண்பாட்டு பதிவுகள்

சுருக்கம்

இவ்வாய்வுக் கட்டுரை சக்தி ஜோதியின் கனவின் முற்றத்தில் தரையிறங்கும் தாரைகள் கவிதைத் தொகுப்பில் இடம்பெறும் பண்பாட்டுப் பதிவுகளை ஆராய்கிறது. பண்பாடு என்பது ஒரு சமூகத்தின் வாழ்வியல், பழக்கவழக்கம், உணவு, உறவுகள், உணர்வுகள் மற்றும் இயற்கையுடனான தொடர்பு ஆகியவற்றை உள்ளடக்கியதாகும். இத்தொகுப்பில் இயற்கையோடு இணைந்த வாழ்வியல், காதல், உணவுப் பண்பாடு, தாய்மை, விதையுறக்கம் போன்ற கூறுகள் கவிதைகளின் வழியாகப் பதிவாகியுள்ளன. மழை, மண், தாவரம், காளான் போன்ற இயற்கைக் கூறுகளும், அயிரை மீன் உண்ணுதல், தாய் சோற்றுருண்டை கொடுத்தல் போன்ற வாழ்வியல் நிகழ்வுகளும் பண்பாட்டின் அடையாளங்களாக வெளிப்படுகின்றன. மேலும், காதல் மற்றும் பிரிவின் உணர்வுகள் மனிதர்களின் உணர்வியல் பண்பாட்டை வெளிப்படுத்துகின்றன. விதை மற்றும் மகரந்தச் சேர்க்கை வழியாக உயிர்களின் ஒன்றையொன்று சார்ந்த வாழ்வும் பதிவு செய்யப்படுகிறது. இவ்வாறு, கவிதைகள் மனித வாழ்வையும் இயற்கையையும் இணைக்கும் பண்பாட்டு ஆவணங்களாக அமைவதை இவ்வாய்வு எடுத்துரைக்கிறது.

திறவுச்சொற்கள்

• பண்பாடு
• பண்பாட்டுப் பதிவுகள்
• இயற்கையோடு இணைந்த வாழ்வியல்
• காதல்
• உணவுப் பண்பாடு
• தாய்மை
• விதையுறக்கம்
• இயற்கை–மனித உறவு