தென் மாவட்ட நாட்டுப்புற மக்கள் கையாளும் மருத்துவமுறை

Abstract

நாட்டுப்புறவியல் என்பது தமிழ்த்துறையில் வளர்ந்து வரும் ஒரு மிகப்பெரிய துறையாக அமைந்துள்ளது. நாட்டுப்புற இலக்கியம் என்பது நாட்டுப்புறப் பழக்கவழக்கங்கள், நாட்டுப்புற கலைகள், நாட்டுப்புற அறிவியல், தொழில் நுட்பம், என்னும் நான்கு பெரும் பிரிவுகள் உள்ள நிலையில் மக்கள் வாழ்வியலுடன் இணைந்த மருத்துவமும் நாட்டுப்புறவியலின் ஓர் அங்கமாகத் திகழ்கின்றது. வீட்டில் நாம் தினம் தோறும் பயன்படுத்தும் உணவுமுறைகளைக் கூட நம் முன்னோர்கள் எவ்வாறு மருந்தாகப் பயன்படுத்தினர் என்பதையும், சுக்கு, மிளகு, திப்பிலி, சீரகம், மஞ்சள்தூள் முதலிய பொருட்களையே நாட்டுப்புற மக்கள் மருந்தாகவும் நோய்களுக்குரிய தீர்வாகவும் எடுத்துக்கொண்டனர். இவை மட்டுமல்லாமல் கிராமத்தில் கிடைக்கக்கூடிய வேர்கள், வயல்வெளியில் உள்ள சிறுசெடிகளை ஒன்று திரட்டி மக்களுக்கு நோய் தீர்க்கும் மருந்தாய் பயன்படுத்தினர். நாட்டுப்புற மக்கள் மரபு வழியாகவும், செவிபுலன் வழியே கேட்ட செய்திகளையும் தம்முடைய மருத்துவ முறையில் பயன்படுத்தி பயன் அடைந்து வந்தனர்.