தென்தமிழகக் கிறித்தவ மதமாற்றமும் சாதியும்

Abstract

தென்னிந்தியாவில் கிறித்தவ மதத்தின் வருகை குறிப்பிடத்தக்கது. வணிக நோக்கோடு உள் நுழைந்த காலனிய ஆட்சியாளர்கள் பின்னர் மதபரப்புதலையும் மேற்கொண்டனர்.சமத்துவத்தைப் போதித்த கிறித்தவத்தின் செயல்பாடுகள் இதுவரை சமத்துவத்தைக் கண்டிராத அடித்தள மக்களை ஈர்த்தது. இதனால் பெரும்பாலான விளிம்புநிலை மக்கள் கிறித்தவத்திற்கு மதம் மாறினர். ஆதிக்க வகுப்பினரில் பெரும்பான்மையினர் சமூக, பொருளாதார உயர்வுக்காக மதமாற்றத்தை மேற்கொண்டனர். இங்கு நிலவியிருந்த சாதியச் சமூகக் கட்டமைப்பில் ஊறியிருந்த ஆதிக்க வகுப்பினரால் அடித்தள மக்கள் தங்களுக்குச் சரிசமமாக கிறத்தவத்தில் நடத்தப்படுவதை ஏற்றுக்கொள்ள முடியவில்லை. இதன் விளைவாக, கிறித்தவத்தில் சாதிய வேறுபாடுகள் தோன்றின.ஒரு பங்கில் ஒரே பிரிவைச் சார்ந்தவர்கள் இருக்கும்போது எவ்விதச் சிக்கலும் ஏற்படுவதில்லை. மாறாக, ஒன்றுக்கு மேற்பட்ட சாதியினரைச் சார்ந்தவர்கள் இருக்கையில் அங்கு சாதிய ஏற்றத்தாழ்வுகள் உருவாகின்றன. ஆலயத்திற்குள் இருவகுப்பினரும் ஒன்றாக அமர்வதை கிறித்தவம் ஏற்றுக்கொண்டாலும்,சாதியச் சிந்தனையுடைய மேல்தட்டு வகுப்பினரால் அதை ஏற்க முடியவில்லை. இவ்வாறு மதமாற்றத்திற்குப் பின்பும் சாதி அடையாளங்களும் அதன் அடிப்படையிலான வேறுபாடுகளும் பல்வேறு வடிவங்களில் கிறித்தவத்தில் தொடர்ந்ததை தொடர்வதை இக்கட்டுரை ஆராய்கிறது.

Keywords

• மதமாற்றம்
• கிறித்தவம்
• சாதி
• கத்தோலிக்கம்